Abşeron rayonunda avtomobildən külli miqdarda pul oğurlayan dəstənin daha bir üzvü tutulub
Bakı, 2 sentyabr, AZƏRTAC
Abşeron rayonunda sürücüyə xəsarət yetirib avtomobildən külli miqdarda pul oğurlayan dəstənin daha bir üzvü tutulub.
Daxili İşlər Nazirliyinin mətbuat xidmətindən AZƏRTAC-a bildiriblər ki, avqustun 21-də rayon ərazisində R.Cavadovun baş nahiyəsinə küt alətlə xəsarət yetirib “Opel” markalı avtomobilindən içərisində 7 min ABŞ dolları və 5341 manat məbləğində pul olan çantanı aparmaqda şübhəli bilinən qrupun digər üzvü - Sabirabad rayon sakini B.Kərimov Baş Cinayət Axtarışı İdarəsinin, Abşeron Rayon Polis İdarəsinin və Şirvan Şəhər Polis Şöbəsi əməkdaşlarının birgə keçirdikləri əməliyyat-axtarış tədbirləri nəticəsində Şirvanda saxlanılıb.
Faktla bağlı araşdırma aparılır.
Bölmənin digər xəbərləri
