AFFA-NIN BAŞ KATİBİ UEFA-NIN PREZİDENTİ İLƏ GÖRÜŞMÜŞDÜR
Mançesterdə səfərdə olan AFFA-nın baş katibi Elxan Məmmədov UEFA prezidenti Mişel Platini və digər ölkələrdən olan həmkarları ilə görüşmüşdür.
AFFA-dan AZƏRTAC-a bildirmişlər ki, görüşdə Azərbaycanda və regionda futbolun inkişafı ilə bağlı müzakirələr aparılmışdır.
Xatırladaq ki, E.Məmmədov Mançesterə UEFA-nın baş katibi David Teylorun dəvəti ilə milli assosiasiya baş katiblərinin toplantısında iştirak etmək üçün getmişdir.
Səfər çərçivəsində tədbir iştirakçıları UEFA kubokunun “Zenit” (Rusiya)-“Reyncers” (Şotlandiya) komandaları arasında keçirilən final oyununu izləyəcək, futbolun inkişafı ilə bağlı fikir mübadiləsi aparacaqlar.
Bölmənin digər xəbərləri
