Afrikanın iki iddialı yığması dünya çempionatından kənarda qalıb
Bakı, 17 noyabr, AZƏRTAC
Afrikanın iki iddialı yığması 2026-cı ildə ABŞ, Kanada və Meksikanın ev sahibliyi edəcəyi dünya çempionatından kənarda qalıb.
AZƏRTAC xəbər verir ki, Kamerun və Nigeriya milli komandaları DÇ-2026-nın final mərhələsində iştirak etməyəcəklər.
Seçmə mərhələdə öz qruplarını 2-ci sırada tamamlayan kollektivlər pley-offa vəsiqə qazanıblar. Burada isə hər iki komandanın qarşısını Konqo Demokratik Respublikası kəsib. Həmin yığma yarımfinalda Kameruna 1:0, finalda isə Nigeriyaya 2:1 hesabı ilə qalib gəlib.
Qeyd edək ki, Konqo Demokratik Respublikası millisi final mərhələsinə vəsiqə uğrunda qitələrarası seçmə mərhələdə mübarizə aparacaq.
Bölmənin digər xəbərləri
