AĞDAMDA 1 İYUN - UŞAQLARI BEYNƏLXALQ MÜDAFİƏ GÜNÜNƏ HƏSR OLUNMUŞ TƏDBİR KEÇİRİLMİŞDİR
Ağdam, 30 may (AZƏRTAC). Ağdam rayonunun Quzanlı qəsəbəsindəki 150 nömrəli orta məktəbdə Azərbaycan Qızıl Aypara Cəmiyyətinin (AQAC) Ağdam bölməsinin təşkilatçılığı ilə 1 iyun - Uşaqları Beynəlxalq Müdafiə gününə həsr olunmuş tədbir keçirilmişdir.
Tədbirdə çıxış edən AQAC miqrasiya şöbəsinin müdiri Məmməd Kətanov, cəmiyyətin Ağdam rayon bölməsinin sədri Firuzə Əliyeva, 150 nömrəli orta məktəbin direktoru Əli Ağayev uşaqlara göstərilən dövlət qayğısından, AQAC-nin bu sahədə gördüyü işlərdən danışmışlar.
Bildirilmişdir ki, 2005-ci ildən başlayaraq AQAC tərəfindən Norveç Beynəlxalq Qızıl Xaç Komitəsinin, 2009-cu ildən isə HOMS təkilatının vəsaiti hesabına uşaqların asudə vaxtlarını səmərəli keçirmələri üçün Ağdam rayonunun cəbhə xəttində yerləşən Qaradağlı, Evoğlu, Mirəşelli, Çəmənli, Ayaq Qərvənd, Əhmədağalı, Hacıturalı və Zəngişalı kəndlərində təhlükəsiz oyun meydançaları quraşdırılaraq istifadəyə verilmişdir.
Tədbirdə məktəb şagirdləri arasında voleybol və futbol yarışları keçirilmiş, qaliblərə mükafatlar verilmişdir.
Bölmənin digər xəbərləri
