AĞIR ATLETİKA ÜZRƏ ÖLKƏ ÇEMPİONATI BAŞLANMIŞDIR
Bakı, Sumqayıt, Neftçala, Qazax, Lənkəran, İsmayıllı, Cəlilabad və Gəncədən, eləcə də “Təhsil” RİM, “Neftçi” İSM, “Spartak” İC və “Məhsul” İK-dan 100-ə yaxın idmançının 8 çəki dərəcəsi üzrə mübarizə apardığı yarışların baş hakimi Vahid Nəzərovdur.
Yarışların ilk günü Hüseyn Hüseynov (56 kq, “Təhsil” RİM), Avropa və dünya çempionatlarının bürünc medalçısı Asif Məlikov (62 kq, DİN İC) ölkə çempionu adını qazanmışlar. Martın 4-də 69 və 77 kq çəki dərəcələrində qaliblər məlum olacaqdır. Yarışlar martın 5-də başa çatacaqdır.
Xatırladaq ki, tanınmış atletlərimizdən dünya çempionatının bürünc medalçısı Əfqan Bayramov (69 kq), Avropa çempionatının gümüş mükafatçısı, Afina Olimpiadasının iştirakçısı Turan Mirzəyev (77 kq) və ikiqat dünya çempionu Nizami Paşayev (105 kq) də ölkə çempionu adını yenidən qazanmaq üçün mübarizə aparacaqlar.
Qaliblər milli yığma komandanın heyətinə cəlb olunaraq, apreldə Polşada keçiriləcək Avropa çempionatına hazırlaşdırılacaqlar.
Bölmənin digər xəbərləri
