Ağsuda kartof istehsalı artıb
Ağsu, 2 sentyabr, AZƏRTAC
Ağsu rayonunda torpaq mülkiyyətçiləri kartof yığımını başa çatdırıblar, sahələrdən 1458 ton məhsul istehsal olunub.
Rayon statistika idarəsindən AZƏRTAC-ın bölgə müxbirinə bildirilib ki, cari ilin məhsulu üçün 172 hektarda kartof yetişdirilib. Əkin sahələri ötən ildəkindən 6 hektar çox olub. Kartof istehsalı da əvvəlki ildəkinə nisbətən 80 ton artıb.
Qeyd edək ki, rayonda kartof əsasən şimal dağlıq ərazilərdə, o cümlədən Kalva, Nuran, dağətəyi ərazilər olan Qaraqoyunlu, Padar ərazi dairələrində əkilir. Sahibkarlar hər il olduğu kimi, bu il də istehsal etdikləri kartofu ilboyu böyük tələbat olan yerli bazarlara çıxarırlar.
Bölmənin digər xəbərləri
