Aİ-nin Rusiyaya qarşı 18-ci sanksiyalar paketi qüvvəyə minib
Bakı, 19 iyul, AZƏRTAC
Avropa İttifaqının Rusiyaya qarşı 18-ci sanksiyalar paketi qüvvəyə minib.
AZƏRTAC xəbər verir ki, bu barədə Aİ Şurasının müvafiq qətnaməsi Aİ-nin rəsmi jurnalında dərc olunub.
"Qadağanedici tədbirlər dərc edildiyi andan qüvvəyə minir", - sənəddə qeyd edilib.
Bu paketə Rusiya neftinin “qiymət tavanı”nın bir barel üçün 47,6 dollara endirilməsi və onu daşıyan 105 tankerə məhdudiyyətlər, “Şimal axını” ilə bağlı hər hansı əməliyyatların qadağan edilməsi, daha 22 bankın “qara siyahı”ya salınması və bütün sanksiyaya məruz qalan Rusiya maliyyə institutları üçün Aİ ilə maliyyə əməliyyatlarına tam qadağa qoyulması, habelə ixrac məhdudiyyətlərinin və fərdi hüquqi şəxslərin qara siyahılarının genişləndirilməsi daxildir.
Bölmənin digər xəbərləri
