ALBANİYA YIĞMASININ FUTBOLÇUSU “QARABAĞ”DA ÇIXIŞ EDƏCƏK
Bakı, 21 yanvar (AZƏRTAC). Ağdamın “Qarabağ” futbol klubu Albaniya yığmasının futbolçusu Admir Teleni heyətinə cəlb etmişdir. 27 yaşlı futbolçu Türkiyənin “Haccetepe” komandasından transfer olunmuşdur. A.Tele bu klubun heyətində bütün görüşlərdə meydana çıxmışdır.
Klubun mətbuat xidmətindən bildirmişlər ki, hazırda Antalyada hazırlığını davam etdirən ağdamlılar artıq bir yoldaşlıq görüşündə qüvvələrini sınamışlar. Albaniyanın “Besı” klubu ilə qarşılaşan “Qarabağ” 0:1 hesabı ilə uduzmuşdur.
Bölmənin digər xəbərləri
