ALMANİYA STADİONLARI HAQQINDA MƏLUMATLAR

09.06.2006 [12:12]
Çap et
A⁺ A^-

AZƏRTAC xəbər verir ki, dünya futbol çempionatının final mərhələsinin oyunları Almaniyanın 12 şəhərinin (Berlin, Münxen, Dortmund, Kayzerslautern, Köln, Hamburq, Leypsiq, Hannover, Frankfurt, Nürnberq, Ştutqart və Qelzenkirxen) stadionlarında keçiriləcəkdir.

Tamaşaçıların sayına görə ən böyük stadion 2004-cü ildə 242 milyon avroya yenidən qurulmuş Berlin “Olimpiya stadionu”dur. Qrup mərhələsinin 4 oyunu,1 dörddəbir final və final görüşü keçiriləcək bu stadion 66021 tamaşaçı tutur. İkinci yeri Dortmundun “Vestfalen” (60285 nəfər), üçüncü yeri isə Münxenin “Alyans Arena” (59416 nəfər) stadionları tuturlar.

Ən kiçik futbol arenası Nürnberqdəki “Franken-Ştadion”dur. Bu il 56 milyon avroya yenidən qurulmuş stadion cəmi 36898 tamaşaçı qəbul edə bilir.