ALMANLAR DA XARİCDƏ ALİ TƏHSİL ALMAĞAMEYİL GÖSTƏRMƏYƏ BAŞLAMIŞLAR

22.09.2006 [11:33]
Çap et
A⁺ A^-

AZƏRTAC-ın xüsusi müxbiri xəbər verir ki, son illər Almaniya gəncləri arasında ölkədən kənarda təhsil almaq arzusunda olanların sayı xeyli artmışdır. Bu barədə məlumat verən Almaniya Federal Statistika İdarəsi bildirir ki, 2004-cü ildə 69 min almaniyalı gənc xarici ölkələrin ali təhsil ocaqlarında təhsil almışdır. Bu, 2003-cü il göstəricisindən 5 faiz - 3 min 200 nəfər artıq olmuşdur.

Statistika idarəsinin hesablamalarına görə, 1994-cü ildə xarici ölkələrin ali təhsil müəssisələrində 40 min alman gənc təhsil almış və mütəxəssis kimi vətənə qayıtmışdır.

Xaricdə ali təhsil almağı üstün tutan gənclərin 16 faizi Böyük Britaniyada, 12,5 faizi ABŞ-da, 11,8 faizi Niderlandda oxuyurlar.

Məlumatdan daha bir fakt: filologiyaya maraq göstərən almanların əksər qismi (45 faizi) Fransa universitetlərini, tibb sahəsinə meyilli gənclərin əksəriyyəti (70 faizi) Macarıstan ali tibb məktəblərinə təhsil almağa gedirlər.

ALMANLAR DA XARİCDƏ ALİ TƏHSİL ALMAĞAMEYİL GÖSTƏRMƏYƏ BAŞLAMIŞLAR

MÜƏLLİFLƏ ƏLAQƏ

Bölmənin digər xəbərləri