ALMATIDA “AVRASİYA-2006” ÜÇÜNCÜ BEYNƏLXALQ KİNO FESTİVALI KEÇİRİLİR
Bu böyük kino bayramının qonaqları arasında tanınmış ABŞ aktyorları Stiven Siqal, Kerri Taqava, Devid Kerradayn, Fransa aktrisası Odri Tatu, alman aktyorları Klaus Mariya Brandauer və Folker Şlendorf da var.
Tədbir çərçivəsində Beynəlxalq və Mərkəzi Asiya müsabiqələri keçiriləcəkdir. Beynəlxalq müsabiqəyə tanınmış Rusiya rejissoru Pyotp Todorovski, Mərkəzi Asiya müsabiqəsinə isə türkmən rejissoru Xocakul Narliyev rəhbərlik edəcəklər. Eyni zamanda Kann festivalı günü də nəzərdə tutulmuşdur və həmin gün Kann festivalında qalib gəlmiş filmlər nümayiş etdiriləcəkdir.
Azərbaycan festivalda rejissor Oleq Səfərəliyevin Rüstəm İbrahimbəyovun ssenarisi əsasında çəkdiyi “Əlvida, cənub şəhəri” filmi ilə təmsil olunur.
Bölmənin digər xəbərləri
