AMB:Qiymətli kağızlar portfelində gəlirlər 2,2 dəfə artıb
Bakı, 15 dekabr, AZƏRTAC
Bu il qiymətli kağızlar portfelində gəlirlər 2,2 dəfə artaraq 442 milyon dollar təşkil edib.
AZƏRTAC xəbər verir ki, bu barədə Azərbaycan Mərkəzi Bankının Statistika departamentinin direktoru Samir Nəsirov bu gün keçirilən brifinqdə deyib.
O bildirib ki, təkrar gəlirlər balansı mütəmadi olaraq profisitlidir və bu profisit bu il azalıb.
“Bu da pul baratları ilə bağlıdır. Keçən il pul baratları 2,8 milyard dollar, bu il 1 milyard 280 milyon manat həcmində olub. Bu il Rusiyadan 829 milyon dollar pul köçürmələri olub”, - deyə AMB-nin departament direktoru vurğulayıb.
Bölmənin digər xəbərləri
