Amerika Milli Futbol Liqası birinciliyinin finalında “Petriots” “Rems”ə qalib gəlib

04.02.2019 [11:29]
Çap et
A⁺ A^-

Vaşinqton, 4 fevral, AZƏRTAC

Fevralın 4-də Atlantadakı “Mercedes-Benz Stedium” arenasında ilin əsas matçı keçirilib. Amerika Milli Futbol Liqası birinciliyinin “Superboul” deyilən finalında “Nyu-İnqend Petriots” və “Los-Anceles Rems” komandaları qarşılaşıblar.

AZƏRTAC xəbər verir ki, “Super Bowl Sunday” (Superboul bazar günü) adlanan bu oyun və onunla bağlı şənliklər faktiki olaraq ABŞ-da milli bayram kimi qeyd edilir.

“Los-Anceles Rems” komandası 13:3 (0:0, 3:0, 0:3, 10:0) hesabı ilə qalib gəlib. Dörd hissədən ibarət olan oyunun birinci yarısından sonra “Petriots” 3:0 hesabı ilə irəli idi, lakin üçüncü hissədə “Rems” komandasının oyunçusu Qreq Seurley 53 yard (1 yard = 0,9144 metr - AZƏRTAC) məsafədən fild-qol vurub. Beləliklə, “Nyu-İnqend Petriots” indi altıqat Nyu-İnqend çempionudur. Qələbələrin sayına görə “Pittsburq Stilerz” ilə bərabərləşmiş bu komanda 2001, 2003, 2004, 2014 və 2017-ci illərdə də Superboulun qalibi olub.

Yusif Babanlı

AZƏRTAC -ın xüsusi müxbiri

Vaşinqton