Anaklaudia Rossbax: Gələcəyin şəhərləri üçün innovativ yanaşmalar vacibdir
Bakı, 19 may, AZƏRTAC
Gələcəyin şəhərləri üçün innovativ yanaşmalar vacibdir.
AZƏRTAC xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində keçirilən mətbuat konfransında deyib.
Anaklaudia Rossbax bildirib ki, dünya hazırda mənzil böhranı, iqlim çağırışları, təbii fəlakətlər və münaqişələrin yaratdığı yenidənqurma problemləri ilə üzləşir. Qarşıdakı iki onillikdə dünya əhalisinin urbanizasiya səviyyəsinin 50 faizdən 70 faizə yüksələcəyi gözlənilir. Şəhərlər artıq çoxsaylı problemlərlə qarşılaşır və bir çox insan əsas xidmətlərə və imkanlara çıxış əldə edə bilmir.
Anaklaudia Rossbax bildirib ki, şəhərlər hazırda daşqınlar, torpaq sürüşmələri, yanğınlar, təhlükəsizlik və digər problemlərin təsiri altındadır. Gələcəyin şəhərləri ilə bağlı innovativ yanaşmaların hazırlanması, tədqiqat, dialoq və siyasət sahəsində çalışan insanların bir araya gəlməsi vacibdir.
Bölmənin digər xəbərləri
