Anar Vəliyev: Şəhərsalma memarlıqdan daha geniş elmləri əhatə edir
Bakı, 21 may, AZƏRTAC
Şəhərsalma sadəcə binaların ucaldılması və ya infrastrukturun qurulması demək deyil. Şəhərsalma memarlıq elminin daxilində bir çox fərqli sahələri əhatə edir.
AZƏRTAC xəbər verir ki, bunu “Neyroşəhərsalma: Şəhərlər beynin formalaşmasına, davranışa və psixi rifaha necə təsir edir?” adlı paneldə çıxışı zamanı ADA Universitetinin İctimai və Beynəlxalq Münasibətlər Məktəbinin İctimai işlər üzrə dosenti Anar Vəliyev deyib.
O diqqətə çatdırıb ki, son 20-30 ildə şəhərsalma yalnız memarlıq və binaların tikintisi anlayışından daha irəli gedərək sosiologiya, politologiya, siyasət analizi və antropologiya kimi elmləri də özünə daxil edib. “Son vaxtlar urbanizm və ya memarlıq ilə neyroelm arasındakı kəsişmələri də araşdırmağa başlamışıq. Qətiyyətlə deyə bilərəm ki, biz binaların insan təbiətinə və emosional vəziyyətə necə təsir göstərdiyinə heç vaxt diqqət yetirməmişik. Piyada gəzmək baxımından emosional vəziyyət və ya səs-küyün yaratdığı emosional vəziyyət — biz bunları heç vaxt nəzərə almamışıq”,- deyə o əlavə edib.
Bölmənin digər xəbərləri
