Anqolalı memar: Dayanıqlı şəhərlər üçün yanaşmalar dəyişməlidir
Bakı, 22 may, AZƏRTAC
Dünyada bir çox təhsil müəssisələri real şəhər problemlərinə uyğun gəlməyən yanaşmalar təqdim edir. Düşünürəm ki, memarlıq təhsili və hazırlığı yenidən düşünülməlidir. Bəzən memarlar və planlaşdırıcılar insanları dinləmədən qərar verirlər. Bu yanaşma dəyişməlidir.
AZƏRTAC xəbər verir ki, bunu Anqola Memarlar Ordeninin Prezidenti Vity Nsalambi mayın 22-də BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Dayanıqlı inkişaf məqsədlərindən mənzillərə" adlı tədbirdə deyib.
"Əgər biz müxtəlif peşəkar şəbəkələri və idarəetmə strukturlarını bir araya gətirə bilsək, daha düzgün yönəldilmiş dövlət siyasətləri formalaşdıra və effektiv qaydalar tətbiq edə bilərik. Mənim fikrimcə, bütün bu yanaşmaları birləşdirsək, həqiqətən dayanıqlı və davamlı həllər tapa bilərik", - deyə o diqqətə çatdırıb.
Müxbir - Gülay Nəzərova
Bölmənin digər xəbərləri
