“Apple” şirkəti ABŞ-a 100 milyard dollar əlavə sərmayə yatıracaq
Vaşinqton, 6 avqust, AZƏRTAC
“Apple” şirkəti ABŞ-a 100 milyard dollar əlavə sərmayə yatıracağını açıqlamaq niyyətindədir.
AZƏRTAC-ın məlumatına görə, bu barədə Ağ evdən məlumat verilib. Bildirilib ki, ABŞ Prezidenti Donald Tramp və “Apple” şirkətinin baş direktoru Tim Kuk bununla bağlı bu gün birlikdə bəyanat verəcəklər.
Ağ ev rəsmisinin sözlərinə görə, yeni sərmayə “Apple” şirkətinin ABŞ istehsalı üçün öhdəliyini növbəti dörd il ərzində 600 milyard dollara qədər artıracaq. Bu, həm də şirkətin tariflərdən yayınması üçün atılan addım kimi dəyərləndirilir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
