AQTİ kimyaçı və keyfiyyətə nəzarət üzrə mütəxəssis vəzifələri üzrə işə qəbul elan edir
Bakı, 18 aprel, AZƏRTAC
Azərbaycan Qida Təhlükəsizliyi İnstitutu (AQTİ) Kompleks Tədqiqatlar Laboratoriyasının Şamaxı aqrokimya bölməsinə işə qəbul üçün müsahibə elan edir.
İnstitutun İctimaiyyətlə əlaqələr və maarifləndirmə departamentindən AZƏRTAC-a verilən məlumata görə, kimyaçı və keyfiyyətə nəzarət üzrə mütəxəssis vəzifələri üzrə çalışmaq istəyən şəxslər işə qəbul üçün müraciət edə bilərlər.
Namizədlərdən özləri barədə məlumatlara dair anket formasını (CV) mövzu yerinə "Şamaxı" yazaraq [email protected] elektron poçt ünvanına göndərmək xahiş olunur.
Qeyd edək ki, Kompleks Tədqiqatlar Laboratoriyasının Şamaxı aqrokimya bölməsinin əsas fəaliyyət istiqaməti torpaq, su, bitki qulluq və mühafizə vasitələrində (pestisidlər və gübrələr) mikrobioloji müayinələrin həyata keçirilməsidir.
Bölmənin digər xəbərləri
