“ARAZ” KOMANDASI “HYUNDAİ” DÜNYA FUTZAL ÇEMPİONATININ FİNALINDA İŞTİRAK EDƏCƏK
Azərbaycan Futzal Federasiyasından AZƏRTAC-a bildirmişlər ki, komandanın heyətinə İlqar Rzayev, Ağatahir Əzizov, Vitali Borisov, Rizvan Fərzəliyev, Marat Salyanski, Rəcəb Fərəczadə və Tofiq Mikayılov daxildir.
Xatırladaq ki, “Hyundai Avto-Azərbaycan” Şirkətinin təşkilatçılığı və 16 komandanın iştirakı ilə keçirilmiş ölkə birinciliyində Naxçıvanın “Araz” klubu birinci yeri tutaraq, dünya futzal çempionatının seçmə oyunlarında iştirak etmək hüququ qazanmışdı. Bir neçə gün əvvəl isə Moskvada keçirilən bu yarışlarda “Araz” klubu Rusiya, Ukrayna, Serbiya, Qazaxıstan və Xorvatiya komandalarını məğlub edərək iyunun 28-dən iyulun 2-dək Almaniyanın Frankfurt şəhərində keçiriləcək final oyunlarına vəsiqəni özünə təmin etmişdi.
Bölmənin digər xəbərləri
