“Araz-Naxçıvan”ın braziliyalı futbolçusu Benin millisinə dəvət alıb
Bakı, 31 oktyabr, AZƏRTAC
“Araz-Naxçıvan”ın futbolçusu Felipe Santos Benin millisinin təlim-məşq toplanışına dəvət alıb.
Naxçıvan təmsilçisindən AZƏRTAC-a verilən məlumata görə, o, noyabrın 10-da yeni komandasının Kotonuda təşkil ediləcək hazırlıq prosesinə qoşulacaq.
Benin millisi bir neçə günlük hazırlıqdan sonra Mərakeşin Rabat şəhərinə səfər edəcək və yarımmüdafiəçi noyabrın 18-də Burkina Faso ilə orada keçiriləcək yoldaşlıq oyununda debüt edəcək.
Qeyd edək ki, braziliyalı futbolçuya bir müddət əvvəl Benin pasportu təqdim edilib.
Bölmənin digər xəbərləri
