“Araz-Naxçıvan”ın rəsmisi: Hazırda transfer planlarımız yoxdur
Bakı, 13 yanvar, AZƏRTAC
“Araz-Naxçıvan” komandası mövsümün ikinci yarısında heyətinə futbolçu qatmağı düşünmür.
Bu barədə AZƏRTAC-a Naxçıvan təmsilçisinin icraçı direktoru Eldəniz Yusifov məlumat verib.
Klub rəsmisi hələlik transfer etmək istəmədiklərini bildirib: “Hazırda danışıq apardığımız futbolçu yoxdur. Mövsümün ikinci yarısına əlimizdə olan heyətlə hazırlaşırıq”.
Qeyd edək ki, “Araz-Naxçıvan” mövsümün birinci hissəsində 26 xal toplayaraq turnir cədvəlində 6-cı pillədə qərarlaşıb. Komanda hazırlıq çərçivəsində yanvarın 14-də “Qəbələ” ilə yoxlama görüşündə üz-üzə gələcək. Bakı Olimpiya Stadionunun ehtiyat meydanında baş tutacaq qarşılaşma saat 15:00-da başlayacaq.
Bölmənin digər xəbərləri
