Artyom Dzyuba Rusiya millisinin oktyabrda keçirəcəyi matçlarında oynamaqdan imtina edib
Bakı, 21 sentyabr, AZƏRTAC
"Zenit" klubunun futbolçusu Artyom Dzyuba Rusiya millisinin oktyabrda keçirəcəyi dünya çempionatının seçmə mərhələsinin matçlarında oynamaqdan imtina edib.
AZƏRTAC xəbər verir ki, bu barədə 33 yaşlı hücumçu Rusiya mətbuatına açıqlamasında deyib.
Futbolçu optimal formasından uzaq olduğu üçün belə qərar qəbul etdiyini bildirib.
Qeyd edək ki, H qrupunda mübarizə aparan Rusiya millisi oktyabrın 8-də Slovakiyanı qəbul edəcək, 3 gün sonra isə Sloveniyanın qonağı olacaq.
Bölmənin digər xəbərləri
