“Aşıq qadınlar antologiyası” nəşr edilmişdir
Bakı, 8 noyabr (AZƏRTAC). “MBM” mətbəəsində “Aşıq qadınlar antologiyası” kitabı nəşr edilmişdir.
Kitab “Aşıq Pəri” ozan sənətinin təbliği ictimai birliyinin təşkilatçılığı ilə “Unudulmuş və unudulmaqda olan milli adət və ənənələrin dirçəldilməsinə dəstək” layihəsi əsasında Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə nəşr edilmişdir.
Kitabda müxtəlif dövrlərdə yaşayıb-yaratmış aşıq qadınlar haqqında qısa məlumat və onların yaradıcılığından nümunələr verilmişdir.
Layihənin rəhbəri Gülarə Azaflı, kitabın redaktorları Əfqan Nəsirli və Samirə Məmmədəliyevadır.
Bölmənin digər xəbərləri
