Asiya Parlament Assambleyasının cari il üçün büdcəsi təsdiq edilib
Bakı, 22 fevral, AZƏRTAC
Asiya Parlament Assambleyasının cari il üçün büdcəsi və növbəti il üçün xərclər smetası təsdiq edilib.
AZƏRTAC xəbər verir ki, bununla bağlı məsələ Bakının ev sahibliyi etdiyi Asiya Parlament Assambleyasının (APA) 14-cü plenar sessiyası çərçivəsində qurumun Büdcə və planlaşdırma komitəsinin fevralın 22-də keçirilən iclasında müzakirəyə çıxarılıb.
Müzakirələrdən sonra APA-nın büdcəsi 985 min ABŞ dolları dəyərində təsdiqlənib. Beləliklə, qurumun əsas büdcəsi 673 min ABŞ dolları, əlavə büdcəsi 280 min ABŞ dolları, ehtiyat büdcəsi isə 32 min 400 ABŞ dolları təşkil edir.
Diqqətə çatdırılıb ki, üzvlük haqqı 22 min dollar civarında olmalıdır. Amma bu məsələ hələ müzakirə olunacaq.
Bölmənin digər xəbərləri
