Asiyada ötən ilin ən məhsuldar futbolçusu bəlli olub
Bakı, 13 yanvar, AZƏRTAC
Asiya Futbol Konfederasiyasına (AFC) üzv ölkələr arasında ən çox qol vuran futbolçular bəlli olub.
AZƏRTAC xəbər verir ki, iraqlı Möhnəd Əli ən məhsuldar oyunçu adına layiq görülüb. O, ötən il ümumilikdə 34 qol vurub. Bunlardan 28-i klub səviyyəsində – əvvəl İraqın “Əl-Şorta”, daha sonra isə Birləşmiş Ərəb Əmirliklərinin “Dibba” komandasında çıxış edərkən müxtəlif turnirlərdə qeydə alınıb. Qalan 6 qolu isə o, İraq milli komandası ilə oyunlarda vurub.
Siyahıda Özbəkistan millisinin hücumçusu İqor Sergeyev 29 qolla ikinci, yaponiyalı Daizen Maeda isə 27 qolla üçüncü pillədə qərarlaşıb.
Bölmənin digər xəbərləri
