Aşqabadda müşahidə dövrü ərzində ən isti mart ayı qeydə alınıb
Bakı, 3 aprel, AZƏRTAC
Aşqabadda 1891-ci ildən bəri havanın müşahidə edildiyi bütün dövr ərzində ən isti mart ayı qeydə alınıb.
AZƏRTAC “ORIENT” saytına istinadla xəbər verir ki, orta temperatur müsbət 17,4 dərəcə təşkil edib və bu da 2008-ci ildə müəyyən edilən əvvəlki rekorddan 0,1 dərəcə çoxdur.
Mart ayının bütün günlərində temperatur normadan yüksək olub. Normanın minimum artımı 2 dərəcə, ayrı-ayrı günlərdə isə birbaşa 10-12 dərəcə olub. Ay ərzində maksimal temperatur müsbət 32,6 dərəcə müəyyən edilib.
Bu ilin mart ayı Aşqabadda təkcə anomal istilərlə deyil, həm də quraqlıqla keçib. Yağıntıların miqdarı 42 millimetr norma qarşılığında cəmi 12,7 millimetr olub.
Rekord istilər Türkmənistanın digər şəhərlərində də müşahidə olunub. Bayramalıda ən isti mart ayının rekordu birbaşa 1,5 dərəcə yenilənib. Termometrin civə sütununda əvvəlki maksimum göstərici 2008-ci ildə 16,9 dərəcə, bu il isə 18,4 dərəcə təşkil edib.
Bayramalı şəhərində yağıntının miqdarı daha az - normadan 14 faiz aşağı olub.
Türkmənabadda da rekord 1,5 faiz müəyyən olunub. 2023-cü ilin mart ayında temperatur müsbət 17,6 faiz təşkil edib və bu da 2008-ci ildəki maksimum göstəricidən müsbət 16,1 dərəcə çoxdur. Burada yağıntının miqdarı normanın 4 faizini təşkil edib.
Serahsda rekord 1,2 dərəcə yenilənib. Bu il temperatur müsbət 18,9 dərəcə təşkil edib. Halbuki 2008-ci ildə ən isti mart ayında havanın hərarəti müsbət 17,7 dərəcə idi. Martın əvvəlində şəhərdə temperatur müsbət 35 dərəcəyə çatıb, yağıntıların miqdarı normanın 25 faizini təşkil edib.
Bu il ən isti mart ayı Sərhədabad şəhərində qeydə alınıb. Rekord 0,6 dərəcə yenilənib. Bundan əvvəlki ən isti mart ayı da burada 2008-də müşahidə olunub. Yağıntıların miqdarı normadan az - cəmi 18 faiz olub.
Bölmənin digər xəbərləri
