Astana aeroportunda antiteror təlimləri keçirilir
Astana, 14 aprel, AZƏRTAC
Aprelin 14-də Astanada Nursultan Nazarbayev adına Beynəlxalq Hava Limanının ərazisində Qazaxıstan Milli Təhlükəsizlik Komitəsinin Antiteror mərkəzinin himayəsi altında “Nayza- Antiteror- 2025” təlimi keçirilir.
AZƏRTAC-ın Astana meriyasına istinadla verdiyi xəbərə görə, tədbir zamanı hava və avtomobil nəqliyyatının hərəkətinə heç bir məhdudiyyət qoyulmur.
Təlim zamanı təhlükəsizlik tədbirlərinə riayət edilməsi, aidiyyəti dövlət məmurlarının qanuni tələblərinə əməl olunması, rəsmi məlumat mənbələrinin əsas tutulması və yalan informasiyanın yayılmasına yol verilməməsi xahiş edilib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
