ASTARADA GƏNCLƏRİN TOPLANTISI KEÇİRİLMİŞDİR
AZƏRTAC xəbər verir ki, Astara rayon mədəniyyət evində gənclərin toplantısı keçirilmişdir.
Tədbir iştirakçıları əvvəlcə şəhərin mərkəzində ümummilli liderimiz Heydər Əliyevin abidəsinin önünə gül dəstələri düzmüş, böyük öndərin xatirəsini ehtiramla yad etmişlər.
Mərasimdə rayon icra hakimiyyəti başçısının toplantı iştirakçılarına ünvanladığı təbrik məktubu oxunmuşdur.
Toplantıda rayon gənclər və idman idarəsinin rəisi Ərçə Əliyev rayon gənclərinin sonuncu - dördüncü toplantısından keçən üç il müdətində dövlət gənclər siyasətinin icrası istiqamətində görülmüş işlər və qarşıda duran vəzifələr haqqında hesabat məruzəsi ilə çıxış etmişdir. Gənclərin rayonun ictimai-siyasi, iqtisadi, sosial və mədəni həyatında fəal iştirak etdiklərini vurğulayan məruzəçi, dövlətimizin başçısının gənclərə göstərdiyi qayğını yüksək qiymətləndirmiş, bu ilin payızında ölkəmizdə keçiriləcək prezident seçkilərərində astaralı gənclərin İlham Əliyevə səs verəcəklərini bildirmişdir.
Yığıncaqda rayon icra hakimiyyəti başçısının müavini Natiq İbadov, Gənclər və İdman Nazirliyinin elm və təhsil şöbəsinin müdiri Vüqar Əhmədov, gənclərin nümayəndələri çıxış edərək dördüncü toplantıdan ötən dövrdə görülmüş işlərdən danışmış, onları narahat edən məsələlər və mövcud problemlərlə bağlı təkliflərini vermişlər.
Tədbirdə Azərbaycan gənclərinin beşinci forumuna nümayəndələr seçilmişdir.
İştirakçılar adından Prezident İlham Əliyevə müraciət qəbul edilmişdir.
Bölmənin digər xəbərləri
