ATLETİKA ÜZRƏ AVROPA KUBOKU TURNİRİNDƏ İŞTİRAK EDƏCƏK YIĞMA KOMANDANIN HEYƏTİ MƏLUMDUR
Gənclər və İdman Nazirliyindən AZƏRTAC-a bildirmişlər ki, iyunun 19-23-də Slovakiyada atletika üzrə Avropa Kuboku uğrunda turnirdə Azərbaycan 22 nəfər idmançı ilə təmsil olunacaqdır.
Yarışda Azərbaycanın idman şərəfini Pekin Olimpiya Oyunlarına lisenziya qazanmış Ruslan Abbasov və Ramil Quliyevlə yanaşı, İbrahim Əhmədov, Pavel Setin, Valentin Bulıçev, Lalə Ələsgərova, Namiq Əsədov, Səbinə Novruzova, Samir Paşayev, Tural Babayev, Ənifə Xəlilova, Ruslan Məlikov, Aqil Paşayev, Ruslan Səfərov, Cavid Abdullayev, Anar Yusifov, Zamiq Məmmədov, Lidiya Salikova, Olesya Xaspoladova, Ceyhun Hüseynov, Əlizadə Hüseyn, Sergey Boçkov qoruyacaqlar.
Komandanı baş məşqçi Məhərrəm Sultanzadə, məşqçilər Cavid Xaspoladov, Tofiq Əliyev, Eldar Quliyev, Rəhim Xəlilov və Sergey Təhməzov müşayiət edəcəkdir.
Bölmənin digər xəbərləri
