Avro-2024: Qrup mərhələsində II turun oyunları başlayır
Bakı, 19 iyun, AZƏRTAC
Almaniyada keçirilən futbol üzrə Avropa çempionatında bu gün qrup mərhələsinin II turuna start veriləcək.
AZƏRTAC xəbər verir ki, ilk oyun günündə A və B qruplarında ümumilikdə 3 görüş keçiriləcək.
Günün ilk qarşılaşması B qrupunda Xorvatiya və Albaniya yığmaları arasında olacaq. İlk turu məğlubiyyətlə başa vurmuş komandaların dueli Bakı vaxtı ilə saat 17:00-da başlayacaq.
A qrupunda keçiriləcək oyunlarda isə Almaniya Macarıstanı, İsveçrə isə Şotlandiyanı sınağa çəkəcək. Matçlar müvafiq olaraq, saat 20:00 və 23:00-da start götürəcək. Hazırda ev sahibləri 3 xalla qrup lideridir. Eyni xala malik isveçrəlilər 2-ci pillədə qərarlaşıblar. Macarıstan və Şotlandiyanın isə xalı yoxdur.
Bölmənin digər xəbərləri
