Avropa çempionatı: Azərbaycan millisinin Xorvatiya ilə oyun üçün heyəti bəlli olub
Bakı, 28 yanvar, AZƏRTAC
Azərbaycan futzal millisinin Avropa çempionatının əsas mərhələsində yanvarın 31-də səfərdə Xorvatiya yığması ilə keçirəcəyi oyun üçün heyəti bəlli olub.
Bu barədə AZƏRTAC-a milli komandanın baş məşqçisi Vitali Borisov məlumat verib. Mütəxəssis 3-ü qapıçı olmaqla, 14 futzalçını səfərə aparacaq. Komanda yanvarın 29-da Bakı-İstanbul-Zaqreb reysi ilə Xorvatiyaya yola düşəcək.
Millinin heyəti: Emin Kürdov, Xəzər Ağalızadə, Ülvi Əliyev (hamısı “Araz-Naxçıvan”), Rövşən Hüseynli (“Astana”, Qazaxıstan), Fərid Abbasov, Tofiq Mikayılov, Kənan Manafov, Oktay Rüstəmli, Nihad İsmayılov, Nurlan Mehdizadə, (hamısı “Baku Fire”), Emil Həsənzadə, Fərid Atakişiyev, Mirzə Əmirov (hamısı “Neftçi”), Seymur Məmmədov (klubsuz).
Qeyd edək ki, Azərbaycan seçməsi əsas mərhələdə keçirdiyi ilk oyunda İsveçlə 3:3 hesablı heç-heçə edib.
Bölmənin digər xəbərləri
