Avropa çempionatı: Qadın voleybolçulardan ibarət millimiz bu gün növbəti oyununu keçirəcək
Bakı, 22 avqust, AZƏRTAC
Qadın voleybolçulardan ibarət Azərbaycan millisi bu gün Avropa çempionatında növbəti oyununu keçirəcək.
AZƏRTAC xəbər verir ki, Ataman Güneyligilin baş məşqçi olduğu kollektiv C qrupundakı dördüncü matçında Yunanıstan seçməsini sınağa çəkəcək.
Görüş Bakı vaxtı ilə saat 19:00-da start götürəcək.
Bu qrupun digər görüşündə ev sahibi Almaniya yığması Çexiya ilə üz-üzə gələcək.
Qeyd edək ki, yığmamız qrupda keçirdiyi əvvəlki qarşılaşmalarda Çexiyanı 3:0 hesabı ilə məğlub edib, Almaniyaya 1:3, Türkiyəyə isə 0:3 hesabı ilə uduzub. Milli komandamız hazırda qrupda üç xalla üçüncü pillədə qərarlaşıb.
Bölmənin digər xəbərləri
