AVROPA ƏDALƏTLİ OYUNLAR KOMİTƏSİNİN PREZİDENTİ BAKIYA GƏLİR
Milli Olimpiya Komitəsindən (MOK) AZƏRTAC-a bildirmişlər ki, iyunun 12-də Avropa Ədalətli Oyunlar Komitəsinin prezidenti Karlos Qonsalvesin rəhbərliyi altında nümayəndə heyəti Bakıya gələcəkdir.
Üç gün davam edəcək səfərin məqsədi 2009-cu ilin oktyabrında Azərbaycanda keçiriləcək Avropa Ədalətli Oyunlar Komitəsinin Konqresi və Baş Assambleyası ilə hazırlıq işləri ilə tanış olmaqdır.
Qonaqlar səfər çərçivəsində Dövlət Bədən Tərbiyəsi və İdman Akademiyasında, eləcə də MOK-da mühazirələr oxuyacaqlar. Həmçinin MOK-un inzibati binasında mətbuat konfransı da keçiriləcəkdir.
Avropa Ədalətli Oyunlar Komitəsinin rəsmiləri Bakıda olarkən paytaxtımızdakı bir sıra idman qurğuları ilə tanış olacaq və bir sıra rəsmi görüşlər keçirəcəklər.
Bölmənin digər xəbərləri
