AVROPA İTTİFAQI SERBİYAYA ŞƏRT QOYUR
Serbiyanın xüsusi xidmət orqanları bildirmişlər ki, onlar Mladiçlə əlaqə saxlamış və general könüllü surətdə təslim olmasa, onu tutmağa hazırdırlar. Haaqa Tribunalının Baş prokuroru xanım Karla del Ponte Serbiya hökumətini bunda qınamışdır ki, onlar Mladiçin həbsi üçün hər cür imkana malik olduqları halda, bunlardan istifadə etməmişlər.
Fevralın 21-də Serbiyanın bəzi KİV-ləri bildirmişdilər ki, Mladiç həbs olunub və tezliklə Haaqa Tribunalına veriləcəkdir. Lakin ölkə hökuməti, sonra isə Tribunalın nümayəndələri bu xəbəri təkzib etmişlər.
Xatırladaq ki, Radovan Karaciçlə birlikdə Ratko Mladiç 1992-95-ci illər müharibəsi zamanı Bosniya müsəlmanlarına qarşı soyqırım törədilməsində, o cümlədən 1995-ci ildə Srebrenitsada 8 min insanın öldürülməsində əsas müqəssir sayılır. O vaxt Mladiç qondarma Serbiya Respublikası qoşunlarının komandanı idi.
Bölmənin digər xəbərləri
