Avropa İttifaqı Yunanıstana 1 milyard avro kreditin ayrılmasını təxirə salıb
Afina, 10 iyun, AZƏRTAC
Yunanıstan hökuməti borcların qaytarılması barədə hesabatı təqdim etmədiyinə görə, Avropa Fondu ölkəyə 1 milyard avro dəyərində kredit ayırmasını dayandırıb. “Ekathimerini” nəşrinin məlumatına əsasən, Avropa Sabitlik Mexanizminin direktorlarının Paris görüşündə ölkə hökuməti tərəfindən hesabatların təqdim olunmasınadək kreditin verilməsinin təxirə salınması qərarına gəlinib. Təşkilatın təmsilçiləri Yunanıstanın bir çox məsələlərdə inkişaf və uğurlarını vurğulasalar da, ölkə hökuməti tərəfindən imzalanan Sazişdə bütün maddələrin yerinə yetirilmədiyi bildirilib.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
