Avropada min kubmetr qazın qiyməti 450 dollardan aşağı düşüb
Bakı, 9 mart, AZƏRTAC
Avropada min kubmetr qazın qiyməti 2021-ci il iyulun sonlarından bəri ilk dəfə 450 dollardan aşağı düşüb.
AZƏRTAC xəbər verir ki, martın 9-da Niderlandın TTF habında qazın qiyməti 4 faiz ucuzlaşaraq min kubmetri 443 dollardan satılıb.
Qazın qiymətinin ucuzlaşması regionda havaların mülayim keçməsi fonunda baş verir. Hazırda Avropanın yeraltı anbarlarında qaz ehtiyatı 57,78 faiz (62,79 milyard kubmetr) təşkil edir ki, bu da son beş ilin orta göstəricisindən 20,73 faiz çoxdur.
Bölmənin digər xəbərləri
