Avstriya telekanalı Çexiya bazarlarını “silah həvəskarları üçün cənnət” kimi xarakterizə edib
Praqa, 12 iyul, AZƏRTAC
2025-ci ilin iyun ayında Qrats şəhərində məktəbdə 11 nəfərin həyatına son qoyan atışmadan sonra Avstriya hakimiyyəti silah dövriyyəsini tənzimləyən qanunvericiliyi sərtləşdirib. Lakin qonşu Çexiyada bu cür tədbirlər hələ də qəbul olunmayıb.
Bu barədə AZƏRTAC “ServusTV” telekanalına istinadla xəbər verir. Jurnalistlərin sözlərinə görə, Çexiya bazarları həqiqətən də “əsl silah eldoradosudur”. Onlar araşdırma çərçivəsində onlar Çexiya və Avstriya sərhədində yerləşən iki bazara baş çəkiblər. Qeyd ediblər ki, qeyri-qanuni silah dövriyyəsi ciddi təhlükə yaradır. Statistika göstərir ki, cinayətlərin üçdə ikisi məhz qanunsuz əldə edilmiş silahlarla törədilir.
Telekanal həmçinin Avstriya polisi tərəfindən açıqlanan rəqəmləri də təqdim edib. Ötən il ölkədə 2600 bıçaqlı hücum, 600 kəsici alətlə hücum və 350 odlu silahla hücum hadisəsi qeydə alınıb.
Hazırda Avstriyada təxminən 1,5 milyon qeydiyyatdan keçmiş odlu silah var (müqayisə üçün qeyd edək ki, 2015-ci ildə bu rəqəm 900 min idi). “Qeyri-qanuni silahların sayı barədə dəqiq məlumat yoxdur, lakin ekspertlər hələ də yüksək rəqəmlərdən danışırlar”, – deyə telekanal bildirib.
Vüqar Seyidov
AZƏRTAC-ın xüsusi müxbiri
Praqa
Bölmənin digər xəbərləri
