Avstriyada tibb işçiləri vaksin çatışmazlığından şikayət edirlər
Bakı, 1 dekabr, AZƏRTAC
Avstriya Tibb Assosiasiyasının (ÖÄK) məlumatına görə, hazırda yetkinlik yaşına çatmış şəxslərin pulsuz peyvənd olunması üçün doza çatışmazlığı müşahidə olunur.
AZƏRTAC ORF ictimai teleradio şirkətinə istinadən xəbər verir ki, ÖÄK-ın vitse-prezidenti Edqar Vutşer qrip, pnevmokok və kəmərləyici dəmrov əleyhinə peyvəndlərin hazırda mövcud olmadığını bildirib. O, builki pulsuz peyvənd proqramının çıxılmaz vəziyyətə düşdüyünü vurğulayıb.
Vutşerin sözlərinə görə, federal hökumət sadəcə olaraq kifayət qədər peyvənd almayıb və ya büdcə ayırmayıb. Bundan əlavə, onlayn peyvənd sifariş sistemi olduqca qeyri-sabitdir və səhiyyə işçilərində ciddi narazılığa səbəb olmağa və əlavə yük yaratmağa davam edir.
Səhiyyə Nazirliyi noyabrın əvvəlində kəmərləyici dəmrov və pnevmokok infeksiyasına qarşı yeni pulsuz peyvəndlərə yüksək tələbatın olduğunu bildirib.
Bölmənin digər xəbərləri
