Axtarışa verilən xaçmazlı məktəbli Gəncədə tapılıb - YENİLƏNİB
Xaçmaz, 13 aprel, Elxan Yusifli, AZƏRTAC
Xaçmaz rayonunda itkin düşmüş kimi axtarışa elan olunan məktəbli polis əməkdaşları tərəfindən Gəncə şəhərində tapılıb. Araşdırma aparılır.
23:06
Xaçmaz şəhərində 13 yaşlı məktəbli qız itkin düşüb.
AZƏRTAC-ın bölgə müxbiri xəbər verir ki, Akademik Zərifə Əliyeva adına 8 saylı məktəb-liseyin VII sinif şagirdi Musayeva Sevinc Bəhram qızı aprelin 12-si səhər saatlarında evdən repititor yanına getmək üçün çıxıb və geri qayıtmayıb.
Daxili İşlər Nazirliyinin mətbuat xidmətinin Quba Regional qrupundan bildirilib ki, məktəbli barəsində axtarış elan olunub və tapılması istiqamətində polis əməkdaşları tərəfindən zəruri tədbirlər görülür.
Şəkildə gördüyünüz şəxsi görənlərdən və barəsində məlumatı olanlardan DİN-in “102”- Xidməti Zəng Mərkəzinə, həmçinin Xaçmaz Rayon Polis Şöbəsinin (2332)5-53-56 şəhər nömrəsinə zəng edərək məlumat vermələri xahiş olunur.
Bölmənin digər xəbərləri
