“Ayaks”ın qapıçısı “Breda” ilə oyunun əsas qəhrəmanı olub
Bakı, 28 yanvar, AZƏRTAC
Hollandiyanın “Ayaks” futbol klubunun yeniyetmələrdən ibarət komandasının qapıçısı Dan Raytsiger ölkə kubokunun səkkizdəbir final mərhələsində “Breda” ilə keçirilən oyunun əsas qəhrəmanına çevrilib.
AZƏRTAC klubun “Twitter” səhifəsinə istinadla xəbər verir ki, 17 yaşlı qapıçı oyunun 92-ci dəqiqəsində künc zərbəsindən verilən ötürməni başla dəqiq yerinə yetirərək hesabı bərabərləşdirib (1:1). Qapıçı, həmçinin penalti seriyasında bir zərbəni qaytararaq, komandasının dörddəbir finala vəsiqə qazanmasında böyük rolu olub.
Qeyd edək ki, “Ayaks”ın əsas komandası Hollandiya çempionatının XXI turunda “Feyenoord”a səfərdə 2:6 hesabı ilə məğlub olub.
Bölmənin digər xəbərləri
