AZƏRBAYCAN ATLETLƏRİ TƏLİM-MƏŞQ TOPLANIŞINA YOLLANMIŞLAR
Gənclər və İdman Nazirliyinin mətbuat xidmətindən AZƏRTAC-a bildirmişlər ki, iyunun 2-də Azərbaycanın atletika üzrə milli komandası Minskə təlim-məşq toplanışına yollanmışlar.
Komandanın heyətinə 8 idmançı və 3 məşqçi daxil edilmişdir.
Baş məşqçi Məhərrəm Sultanzadənin rəhbərlik etdiyi komandanın tərkibində Pekin Olimpiadasına lisenziya qazanmış Ramil Quliyev və Ruslan Abbasovla yanaşı, Teymur Abbasov, Valentin Botev, Pavel Setin, Namiq Əsədov, Sergey Boçkov və İbrahim Əhmədov yer almışlar.
Məşqlər iyunun 13-dək davam edəcəkdir.
Bölmənin digər xəbərləri
