AZƏRBAYCAN AVARÇƏKƏNLƏRİ KİYEVDƏ BEYNƏLXALQ TURNİRDƏ BÜRÜNC MEDAL QAZANMIŞLAR
AZƏRTAC xəbər verir ki, Kiyevdə keçirilən yeniyetmələr arasında akademik avarçəkmə üzrə “Kiyev reqatası” adlı ənənəvi beynəlxalq turnirə yekun vurulmuşdur.
Yarışda Ukrayna, Belarus və Moldova idmançıları ilə yanaşı, ilk dəfə Azərbaycan avarçəkənləri də mübarizə aparmışlar.
Baş məşqçi Samir Məmmədov və məşqçi Aleksandr Barabanovun rəhbərliyi ilə çıxış edən 7 idmançımız bir, iki və dörd nəfərlik qayıqlarda qüvvələrini sınayıblar. Azərbaycan yığmasının heyətində iki nəfərlik sükansız (təkavarlı) qayıqlarda mübarizə aparan Aleksandr Qlotov-Timur Kutseba dueti 2000 metr məsafəyə yarışda bürünc medal qazanmışdır.
Bölmənin digər xəbərləri
