AZƏRBAYCAN DAMAÇILARI AVROPA ÇEMPİONATINDA QÜVVƏLƏRİNİ SINAYACAQLAR
Azərbaycan Dama Federasiyasının vitse-prezidenti İbrahim İsmayılov AZƏRTAC-a bildirmişdir ki, oğlanlar və qızlar arasında gənclər, kadetlər, kiçik kadetlər və ümidlər arasında 100 xanalı dama üzrə Azərbaycan çempionatı başa çatmışdır.
Ölkə birinciliyində Bakı damaçıları ilə yanaşı digər şəhər və rayonlardan 50 idmançı da qüvvəsini sınamışdır.
Mübarizədə Aslan Aslanlı, Leyla Nəcəfova (gənclər), Ənvər Novruzov, Renata Hacıyeva (kadetlər), Ülfət Hüseynbəyli, Həmidə Əhmədova (kiçik kadetlər), Famil Kamilli və Aytac Babayeva (ümidlər) qızıl medal qazanmışlar.
Qeyd edək ki, bu idmançılar avqustun 1-dən 7-dək Polşada keçiriləcək Avropa çempionatında ölkəmizin idman şərəfini qoruyacaqlar.
Bölmənin digər xəbərləri
