Azərbaycan Ekologiya Standartlarının Monitorinq Fondu “Sülh – yeni dünyaya doğru” layihəsində iştirak edəcəkdir
Bakı, 5 yanvar (AZƏRTAC). Azərbaycan Ekologiya Standartlarının Monitorinq Fondu Avropanın nüfuzlu “CESİE” təşkilatının “Sülh - yeni dünyaya doğru” layihəsinə əməkdaş qismində qoşulmuşdur.
Fonddan AZƏRTAC-a bildirmişlər ki, layihə Avropa Şurasının “Gənclər hərəkətdə” proqramının maliyyə dəstəyi ilə cari ilin aprelində reallaşacaqdır. Layihənin məqsədi sülh mədəniyyəti, sülh quruculuğunda ətraf mühit və s. məsələlərlə bağlı müzakirələr aparmaqdır.
İtaliyanın Palermo şəhərində 8 gün ərzində həyata keçiriləcək layihədə Şərqi Avropa və Cənubi Qafqaz ölkələrindən nümayəndələr iştirak edəcəklər.
Layihə müddətində əməkdaşlıq əlaqələri qurulacaq, gələcək üçün birgə layihələrin ideyaları üzərində işlər aparılacaqdır.
Bölmənin digər xəbərləri
