AZƏRBAYCAN ELMİNİN BEYNƏLXALQ İNTEQRASİYASINDA UĞURLU NƏTİCƏLƏR ƏLDƏ EDİLMİŞDİR

05.02.2004 [19:00]
Çap et
A⁺ A^-

Bu fikri Azərbaycan Milli Elmlər Akademiyası Rəyasət heyətinin iclasında AMEA-nın Biologiya Elmləri Bölməsinin akademik katibi, akademik Musa Musayev bölmənin hesabatı dinlənilərkən bildirmişdir. O demişdir ki, Bölmənin institutları dünyanın nüfuzlu elmi tədqiqat qurumları ilə, o cümlədən Beynəlxalq Bitki Genetik Ehtiyatları İnstitutu, Avropa Bitki Genetik Ehtiyatları İnfrastrukturu, Genetik Ehtiyatlar üzrə Avropa Əməkdaşlıq Proqramı, Quraq Bölgələrdə Kənd Təsərrüfatı Tədqiqatları Beynəlxalq Mərkəzi ilə sıx əməkdaşlıq şəraitində işləmiş, elmi araşdırmaların nəticələri barədə informasiya mübadiləsi aparmışlar.

Son bir ildə Bölmənin əməkdaşları fundamental elmin inkişaf etdirilməsi sahəsində müsbət nəticələr əldə etmişlər. 15 problem üzrə tədqiqatlar aparılmış, 19 mühüm nəticə alınmış, kənd təsərrüfatı və tibb müəssisələrində tətbiq edilmişdir.

Botanika İnstitutunda akademik Cəlal Əliyevin rəhbərliyi ilə ekstremal mühit amillərinə qarşı davamlı bitki sortlarının yaradılması uğurla nəticələnmişdir. Görkəmli alim respublikanın fermer təsərrüfatlarının mütəxəssislərini, beynəlxalq seleksiya mərkəzlərinin ekspertlərini və beynəlxalq bankın nümayəndələrini müxtəlif aqroekoloji şəraitdə beçərilən buğda sahələri ilə tanış etmiş, yaradılmış sortlar haqqında seminarlarda, sərgilərdə fermerlərə və xarici ölkə alimlərinə geniş məlumat vermişdir.

İclasda aktual elmi problemlərdən və onların həlli ilə bağlı elmi tədqiqat institutları kollektivlərinin qarşısında duran vəzifələrdən də ətraflı danışılmışdır.

AZƏRBAYCAN ELMİNİN BEYNƏLXALQ İNTEQRASİYASINDA UĞURLU NƏTİCƏLƏR ƏLDƏ EDİLMİŞDİR

MÜƏLLİFLƏ ƏLAQƏ

Bölmənin digər xəbərləri