AZƏRBAYCAN GİMNASTI AFİNADA OLİMPİYAQABAĞI YOXLAMA TURNİRİNDƏ ÇIXIŞ EDİR

22.03.2004 [21:46]
Çap et
A⁺ A^-

Azərbaycan idmançısı Anna Qurbanova Afinada keçirilən beynəlxalq bədii gimnastika turnirində iştirak edir. Azərbaycan Gimnastika Federasiyasının mətbuat xidmətində AZƏRTAC-ın müxbirinə bildirmişlər ki, bu turnirdə iştirakdan əsas məqsəd apreldə Bakıda keçiriləcək Dünya kuboku yarışlarına və iyunun 3-6-da Kiyevdə olacaq Avropa çempionatına hazırlaşmaqdır. Mütəxəssislərin fikrincə, Anna Qurbanova Azərbaycanı qədim Ellada torpağında layiqincə təmsil edə bilər.

Xatırladaq ki, A.Qurbanova üçün ilk beynəlxalq yarış fevralın axırlarında keçirilmiş Qran-pri seriyasından “Qazprom” çempionlarının Moskva kuboku uğrunda turnir olmuşdur. Afina turniri isə “Qalatsi olimpik holl”da keçiriləcəkdir. Beş aydan sonra burada Olimpiadanın medalları uğrunda mübarizə gedəcəkdir.

Olimpiadaya xüsusi proqram üzrə hazırlaşan Dinara Gimatovaya gəlincə, Olimpiadanın Təşkilat komitəsinin konfrans mərkəzində atılmış püşkə görə, Dinara Afinada 13 nömrə altında çıxış edəcək və ilk aləti həlqə olacaqdır. Püşkatma ərəfəsində isə Beynəlxalq Gimnastika Federasiyası planetin 20 ən yaxşı gimnast qadınının növbəti reytinq siyahısını açıqlamışdır. Dünya təsnifatına görə, D.Gimatovanın mövqeyi dəyişməz qalmış və idmançımız yenə 33,60 xalla onikinci yerdədir.

AZƏRBAYCAN GİMNASTI AFİNADA OLİMPİYAQABAĞI YOXLAMA TURNİRİNDƏ ÇIXIŞ EDİR

MÜƏLLİFLƏ ƏLAQƏ

Bölmənin digər xəbərləri