Azərbaycan Gimnastika Federasiyasının yubiley nişanı ictimaiyyətə təqdim olunub
Bakı, 1 aprel, AZƏRTAC
Bu il oktyabrın 7-də Azərbaycan Gimnastika Federasiyasının (AGF) yenidən qurulmasının 20 ili tamam olacaq. Bu münasibətlə Bakıda keçirilən idman gimnastikası üzrə keçirilən dünya kuboku yarışları zamanı iştirakçılara və tamaşaçılara AGF-in 20-ci ildönümünə həsr olunmuş yubiley nişanı və Azərbaycan gimnastikasının nailiyyətlərindən bəhs edən videoçarx nümayiş etdirilib.
AZƏRTAC xəbər verir ki, dünya kuboku yarışlarında 34 ölkədən 145 idmançı qüvvəsini sınayır. Dörd gün davam edəcək yarışların ilk iki günündə təsnifat, sonrakı iki günündə isə final mərhələləri baş tutacaq.
Turnirdə, həmçinin ən yüksək icra xalını toplamış gimnastlara ənənəvi “AGF Trophy” kuboku da təqdim olunacaq.
Dünya kubokunda ölkəmizi Mənsum Səfərov (sərbəst hərəkətlər), Ağamurad Qəhrəmanov (sərbəst hərəkətlər, dayaqla tullanma, paralel qollar, turnik), İvan Tixonov (dəstəkli at, dayaqlı tullanma, paralel qollar, turnik), Cavidan Babayev (halqa), Nikita Simonov (haqla), Samirə Qəhrəmanova (dayaqlı tullanma, gimnastika tiri, sərbəst hərəkətlər), Milana Minakovskaya (müxtəlif hündürlüklü qollar, gimnastika tiri, sərbəst hərəkətlər) təmsil edirlər.
Bölmənin digər xəbərləri
