AZƏRBAYCAN GÜLƏŞÇİLƏRİ İTALİYADA 9 MEDALA SAHİB OLMUŞLAR
Bakı, 1 iyun (AZƏRTAC). Azərbaycanın güləş üzrə yığma komandası İtaliyada başa çatmış beynəlxalq turnirdə 9 medal qazanmışdır.
Azərbaycan Güləş Federasiyasından bildirmişlər ki, idmançılarımız arasında ən yüksək nəticəni Sakit Cəlilov (60 kq) göstərmişdir. Bütün rəqiblərinə qalib gələn S.Cəlilov birinci yeri tutmuşdur. Yığmamızın heyətində Fərid Mansurov (74 kq) gümüş, Rövşən Bayramov (60 kq), Vitali Rəhimov (66 kq) və Şalva Qadabadze (96 kq) isə bürünc medal qazanmışlar.
Kişilərlə yanaşı, qadın idmançılarımızın yarışdakı çıxışı uğurlu olmuşdur. Azərbaycan idmançıları Olesya Zamula (63 kq) və Mariya Kaçina (67 kq) turnirin qızıl medalına sahib olmuşlar. Yelena Komarova (55 kq) ilə Elvira Mürsəliyeva (59 kq) isə yarışda üçüncü yeri tutmuşlar.
Bölmənin digər xəbərləri
