Azərbaycan güləşçiləri reytinq turnirinin ikinci gününü medalsız başa vurublar
Bakı, 11 yanvar, AZƏRTAC
Azərbaycanın daha bir güləşçisi Xorvatiyada keçirilən “Zaqreb Open” turnirində çıxışını başa vurub.
AZƏRTAC xəbər verir ki, 125 kq çəki dərəcəsində mübarizə aparan Georgi Meşvildişvili üçüncü yer uğrunda görüşdə ABŞ təmsilçisi Meyson Parrisə 5-2 hesabı ilə uduzub.
Bundan əvvəl güləş üzrə Azərbaycan millisinin digər üzvləri Vaxit Qalayev (125 kiloqram) və Gültəkin Şirinova (55 kiloqram) da məşqçilər korpusunun etimadını doğrulda bilməyiblər.
Qeyd edək ki, reytinq turnirinin ilk günündə sərbəst güləşçilərdən Əliabbas Rzazadə, Nürəddin Novruzov (hər ikisi 61 kiloqram) və Cəbrayıl Qadjiyev (74 kiloqram) bürünc medal qazanıblar.
Bölmənin digər xəbərləri
