AZƏRBAYCAN İDMANÇILARI BEYNƏLXALQ TURNİRDƏ QÜVVƏLƏRİNİ SINAYACAQLAR
Azərbaycan Güləş Federasiyasından AZƏRTAC-a bildirmişlər ki, iyunun 23-də Ərdəbildə yeniyetmə idmançılar arasında sərbəst və yunan-Roma güləşi üzrə beynəlxalq turnir keçiriləcəkdir.
Sərbəst güləşçilərin mübarizəsində ölkəmizin idman şərəfini Sədaqət Mehdur (42 kq), Fərrux Ələkbərov (46 kq), Fuad Məmmədov (50 kq), Bəxtiyar İsrafilov, İsa Umudov (hər ikisi 54 kq), Ümüd Məmmədov, Loğman Ağayev (hər ikisi 58 kq), Firudin Həmzəyev (67 kq) və Orxan Şərifov (76 kq) qoruyacaqlar.
Yunan-Roma güləşçilərdən isə Tural Həsənzadə (42 kq), Rövşən Tağıyev, Malik Gülmalıyev (hər ikisi 46 kq), Həsən Həsənli, Arif Əliyev (hər ikisi 50 kq), Maarif Quliyev (54 kq), Samir Nəsibov (61 kq), Pərviz Məmmədov (69 kq) və Elşən Əzizov (76 kq) mübarizə aparacaqlar.
Turnirə iyunun 26-da yekun vurulacaqdır.
Bölmənin digər xəbərləri
